شیخوپورہ ( نیوز ڈیسک) شیخوپورہ میں چند روز قبل پسند کی شادی کرنے والے جوڑے نے زہریلی گولیاں کھاکر خودکشی کرلی۔

پولیس حکام کا کہنا ہے کہ ثنا نے نواحی گاؤں کے رہائشی عمیر اسلم سے چند روز قبل کورٹ میرج کی تھی، لڑکی کے گھر والوں نے اغوا کا مقدمہ درج کروایا۔

پنچایت کے حکم پر لڑکی کو آج واپس گھر آنا تھا کیونکہ رشتے دار لڑکی کی واپسی اور باعزت رخصتی چاہتے تھے۔

لڑکی کو شک تھا کہ رشتے دار بلا کر پنچایت کے حکم پر قتل کردیں گے جس پر جوڑے نے رشتے دار کے پاس واپس جانے کے بجائے خودکشی کرلی

کراچی ( نیوز ڈیسک) پاکستان میں الیکٹرک گاڑیوں (EVs) کے شعبے میں چین کی معروف الیکٹرک کار کمپنی BYD نے 2026 کے جولائی یا اگست تک پہلی مقامی طور پر اسمبل شدہ EV یا پلگ اِن ہائبرڈ گاڑی متعارف کرانے کا اعلان کر دیا۔

BYDپاکستان کے نائب صدر برائے سیلز اینڈ اسٹریٹجی دانش خالق نے تصدیق کرتے ہوئے کہا کہ کراچی کے قریب قائم کیا جانے والا اسمبلنگ پلانٹ اپریل 2025 میں زیر تعمیر ہے۔ یہ منصوبہ حب پاور کمپنی (HUBCO) کی ذیلی کمپنی میگا موٹر کمپنی کے اشتراک سے قائم کیا جا رہا ہے۔

ابتدائی طور پر یہ پلانٹ ڈبل شفٹ میں کام کرے گا، جس کی سالانہ پیداواری صلاحیت 25,000 یونٹس مقرر کی گئی ہے۔

اگرچہ ابتدا میں کئی پرزے بیرون ملک سے درآمد کیے جائیں گے، تاہم غیر برقی اجزاء کی مقامی تیاری کو فروغ دیا جائے گا۔ اس منصوبے کا بنیادی ہدف پاکستان کی مقامی مارکیٹ ہے، لیکن کمپنی مستقبل میں رائٹ ہینڈ ڈرائیو ممالک کو برآمدات پر بھی غور کر رہی ہے۔

ذہن نشین رہے BYD نے مارچ 2025 میں پاکستان میں درآمد شدہ EVs کی فروخت شروع کی تھی۔ اگرچہ کمپنی نے فروخت کے حتمی اعداد و شمار ظاہر نہیں کیے، تاہم ابتدائی سیلز نے ہدف سے 30 فیصد زائد کامیابی حاصل کی۔

2024 میں پاکستان میں EV اور پلگ اِن ہائبرڈ گاڑیوں کی فروخت کا حجم تقریباً 1,000 یونٹس رہا، جس کے 2025 میں 3 سے 4 گنا بڑھنے کی توقع ہے۔ BYD کا ہدف 30 سے 35 فیصد مارکیٹ شیئر حاصل کرنا ہے۔

HUBCO کے مطابقBYD نے 2025 کی پہلی سہ ماہی میں 444 ملین روپے (تقریباً 1.56 ملین ڈالر) کا منافع بھی حاصل کیا۔

مقامی طور پر اسمبل شدہ EV کی لانچ پاکستان کیلئے گیم چینجر ثابت ہو سکتی ہے۔اس پیش رفت سے نہ صرف گاڑیاں سستی ہوں گی بلکہ مقامی پرزہ سازی، روزگار اور درآمدی انحصار میں کمی جیسے عوامل بھی اس پیش رفت کو خاص بناتے ہیں۔

حکومتی مراعات جیسے کہ EV چارجنگ پر 45 فیصد بجلی رعایت اور BYD کی چارجنگ نیٹ ورک میں سرمایہ کاری پاکستان میں نیو انرجی وہیکلز (NEVs) کو فروغ دینے کی بنیاد فراہم کر رہی ہیں۔

ماہرین کے مطابق پلگ اِن ہائبرڈ گاڑیاں جنہیں مکمل چارجنگ نیٹ ورک کی ضرورت نہیں ہوتی، پاکستان کے موجودہ انفراسٹرکچر کیلئے موزوں آپشن ہیں۔

BYD کی مجوزہ Shark 6 پک اپ ٹرک اور دیگر برانڈز جیسے MG اور Haval کی ہائبرڈ SUV گاڑیاں، پاکستانی آٹو انڈسٹری کو ایک نئے دور میں داخل کر سکتی ہیں

نیودہلی (نیوزڈیسک)بالی ووڈ کے بے تاج بادشاہ امیتابھ بچن نہ صرف پردے پر بلکہ حقیقی زندگی میں بھی ایک سچے ہیرو ثابت ہوئے۔ زندگی نے جب ان سے سب کچھ چھین لینے کی کوشش کی، تب بھی انہوں نے ہمت اور حوصلہ نہیں چھوڑا۔

ایک ایسا لمحہ آیا جب موت کے دہانے پر کھڑے امیتابھ نے اپنی موت کو شکست دے کر زندگی کی بازی جیت لی اور یہ کہانی آج بھی ہر دل کو چھوجاتی ہے۔

26 جولائی 1982 کا دن بالی ووڈ کے لیے ایک سیاہ دن تھا، جس دن فلم ”قلی“ کی شوٹنگ کے دوران ایک خوفناک حادثہ نے نہ صرف امیتابھ بچن کی زندگی کو خطرے میں ڈالا، بلکہ پورے ملک کو ہلا کر رکھ دیا۔ یہ وہ دن تھا جب امیتابھ بچن موت کے دہانے پر پہنچ گئے، لیکن ان کی زبردست استقامت، ڈاکٹروں کی محنت اور قدرت کی کرشماتی قوت نے انہیں نئی زندگی بخشی۔

سہیلی کا شوہر چھین کر شادی کرنے والی اداکارہ کی طلاق کی خبریں

فلم ”قلی“ کے سیٹ پر امیتابھ بچن اور ان کے معاون اداکارپونیت اسر کے درمیان ایک ایکشن سین شوٹ کیا جا رہا تھا۔ پونیت نے امیتابھ کو اتنی شدت سے گھونسا مارا کہ وہ میز پر گر پڑے اور ان کی آنتوں میں شدید چوٹیں آئیں۔

ابتدائی طور پر ان کے درد کو معمولی سمجھا گیا، مگر جب چوتھے دن تک درد ناقابل برداشت ہوگیا، تو ایکسرے میں یہ بات سامنے آئی کہ ان کے اندرونی اعضاء شدید زخمی ہو چکے تھے، آنتیں پھٹ چکی تھیں اور جسم میں انفیکشن تیزی سے پھیل رہا تھا۔

فلم ’سیارا‘ ہدایتکار کی اپنی محبت کی داستان ہے؟

اس وقت کی صورت حال اتنی نازک تھی کہ ڈاکٹروں کا کہنا تھا کہ اگر وہ زیادہ دیر زندہ رہتے تو ان کا بچنا محال تھا۔ ڈاکٹروں کی ایک ٹیم، جن کی قیادت مشہور سرجن ڈاکٹر ایچ ایس بھاٹیہ کر رہے تھے، نے فوری طور پر آپریشن کا فیصلہ کیا۔ اس دوران امیتابھ کی حالت انتہائی تشویشناک تھی۔ ان کا بخار 102 ڈگری تک جا پہنچا تھا اور دل کی دھڑکن 72 سے بڑھ کر 180 ہوگئی تھی۔

پورا ملک ان کی زندگی کی دعائیں کر رہا تھا۔ آپریشن کے دوران ڈاکٹروں کو معلوم ہوا کہ امیتابھ کی آنتیں بری طرح خراب ہو چکی تھیں۔ ان کی حالت مزید بگڑ گئی ان کے بچنے کی کوئی امید نہیں تھی

ایسی نازک صورتحال میں ڈاکٹر واڈیا نے ہمت نہ ہاری اور آخری کوشش کے طور پر امیتابھ کو تقریباً 40 ایمپول کورٹیسون اور ایڈرینالین انجیکشن لگائے۔ یہ ایک کرشمہ تھا کہ اس کے بعد امیتابھ کی سانسیں بحال ہو گئیں اور وہ زندگی کی طرف واپس لوٹنے لگے۔

امیتابھ بچن نے برسوں بعد اپنے بلاگ پر اس واقعہ کا ذکر کرتے ہوئے بتایا کہ میں چند منٹ کے لیے طبی اعتبار سے مر چکاتھا۔ میں تقریباً دھند اور کوما کی حالت میں چلا گیا تھا۔ بریچ کینڈی میں آنے کے پانچ دنوں کے اندر، میری ایک اور سرجری ہوئی اور میں بہت دیر تک اس سے باہر نہیں آ سکا اور میں چند منٹوں کے لیے طبی لحاظ سے مر چکا تھا۔