Ali1234
  • 0
Researcher

کیا آپ موبائل فون الٹا رکھنے کے فوائد اور راز جانتے ہیں؟

  • 0
کیا آپ موبائل فون الٹا رکھنے کے فوائد اور راز جانتے ہیں؟
Share

    1 Answer

    1. Researcher

      کیا آپ نے کبھی غور کیا ہے کہ اکثر بااثر اور ذہین افراد کسی ملاقات یا میٹنگ کے دوران اپنا موبائل فون ٹیبل پر الٹا رکھ دیتے ہیں؟ اس عمل کے پیچھے محض ایک نہیں بلکہ کئی فائدے پوشیدہ ہوتے ہیں۔ بین الاقوامی مصنف جیسن چن نے اس حوالے سے اپنی مثال دیتے ہوئے بتایا کہ موبائل کو ٹیبل پر الٹا رکھنے کا طریقہ نہ صRead more

      کیا آپ نے کبھی غور کیا ہے کہ اکثر بااثر اور ذہین افراد کسی ملاقات یا میٹنگ کے دوران اپنا موبائل فون ٹیبل پر الٹا رکھ دیتے ہیں؟ اس عمل کے پیچھے محض ایک نہیں بلکہ کئی فائدے پوشیدہ ہوتے ہیں۔

      بین الاقوامی مصنف جیسن چن نے اس حوالے سے اپنی مثال دیتے ہوئے بتایا کہ موبائل کو ٹیبل پر الٹا رکھنے کا طریقہ نہ صرف سلیقہ مندی کا مظہر ہے بلکہ یہ فون کی حفاظت اور بہتر توجہ کے لیے بھی مفید ہے۔ ان کے مطابق، جب آپ موبائل فون کو اس کی اسکرین نیچے رکھ کر رکھتے ہیں تو بیک کیمرہ میز پر موجود گرد و غبار یا ذرات سے محفوظ رہتا ہے، اور اگر اسکرین پر پروٹیکٹر موجود ہو تو سامنے والا حصہ بھی متاثر نہیں ہوتا۔

      مزید برآں، موبائل فون کو الٹا رکھنے سے یہ بھی فائدہ ہوتا ہے کہ اگر میز پر پانی یا کوئی مشروب گر جائے تو اسکرین پر براہِ راست اثر نہیں ہوتا، یوں کریک یا شارٹ سرکٹ کا خدشہ کم ہو جاتا ہے۔ اس کے علاوہ، بار بار آنے والے نوٹیفکیشن اسکرین کو روشن کرتے رہتے ہیں جو نہ صرف بیٹری خرچ کرتے ہیں بلکہ توجہ بھی بٹاتے ہیں۔ موبائل کو الٹا رکھنے سے یہ مسئلہ بھی حل ہو جاتا ہے۔

      ماہرین کا کہنا ہے کہ سماجی آداب کے تناظر میں بھی موبائل کو الٹا رکھنا ایک بہتر رویہ ہے۔ میٹنگ یا محفل کے دوران بار بار چمکتی اسکرین نہ صرف دوسرے افراد کے لیے خلل کا باعث بنتی ہے بلکہ آپ کی توجہ بھی تقسیم ہو جاتی ہے۔

      جیسن چن کے مطابق، موبائل کو الٹا رکھنے سے نہ صرف آپ کی توجہ مرکوز رہتی ہے بلکہ پرائیویسی بھی محفوظ رہتی ہے کیونکہ اس صورت میں کوئی دوسرا شخص آپ کے نوٹیفکیشن کو دیکھ یا اندازہ نہیں لگا سکتا۔

      ماہرینِ نفسیات کے مطابق، آنکھوں سے براہِ راست رابطہ (Eye Contact) انسانی تعاملات کا ایک مؤثر ذریعہ ہے۔ نیورو سائنس کی تحقیق سے معلوم ہوتا ہے کہ جب دو افراد آپس میں آنکھ ملا کر گفتگو کرتے ہیں تو وہ ایک مضبوط اور ہم آہنگ تعلق قائم کر سکتے ہیں، لیکن موبائل کی طرف بار بار دھیان جانا اس ہم آہنگی کو متاثر کر دیتا ہے۔

      لہٰذا موبائل فون کو الٹا رکھنا ایک سادہ مگر مؤثر عادت ہو سکتی ہے، جو نہ صرف آپ کی شخصیت کو سنجیدہ اور متوازن ظاہر کرتی ہے بلکہ دوسروں کے ساتھ بہتر روابط قائم کرنے میں بھی مددگار ہے

      See less
      • 0

    You must login to add an answer.

    Need An Account,