نئی دہلی(سپورٹس ڈیسک)بھارتی میڈیا نے دعویٰ کیا ہے اسٹار بیٹر ویرات کوہلی اور روہت شرما کی آسٹریلیا کیخلاف ون ڈے سیریز اُن کے انٹرنیشنل کیریئر کی آخری سیریز ہو سکتی ہے۔

بھارتی اخبار ’دینک جاگرن‘ کی رپورٹ میں ذرائع سے دعویٰ کیا گیا ہے کہ بھارتی کپتان روہت شرما اور ویرات کوہلی بھارتی کرکٹ بورڈ کی ورلڈ کپ 2027 کی حکمتِ عملی میں شامل نہیں ہیں، دونوں بیٹرز کی جگہ نوجوان کھلاڑیوں کو موقع دیا جائے گا۔

رپورٹ میں مزید کیا گیا کہ روہت شرما کو آسٹریلیا کے خلاف اپنی آخری سیریز میں بھارت کی قیادت کرنے کا موقع مل سکتا ہے، جہاں وہ اور ویرات کوہلی اپنی ریٹائرمنٹ کا اعلان کر سکتے ہیں، جب کہ کینگروز کیخلاف سیریز ان کی آخری سیریز بھی ہو سکتی ہے۔

اخبار کے مطابق دونوں کھلاڑی دورہِ آسٹریلیا سے قبل باضابطہ طور پر ریٹائرمنٹ کا اعلان بھی کر سکتے ہیں۔

مزید بتایا گیا کہ دونوں بلے باز اگر ون ڈے کیریئر کو بڑھانا چاہتے ہیں تو انہیں بھارت کی ڈومیسٹک کرکٹ میں 50 اوورز کے ٹورنامنٹ ’وجے ہزارے ٹرافی‘ کھیلنا ہوگی، اگر روہت اور ویرات نے ڈومیسٹک کرکٹ میں شرکت کرنے کا فیصلہ کیا تو روہت شرما ممکنہ طور پر ممبئی جب کہ ویرات دہلی کےلیے کھیلیں گے۔

خیال رہے کہ اکتوبر میں بھارتی ٹیم نے آسٹریلیا کا دورہ کرنا ہے، جہاں دونوں ٹیموں کے درمیان 3 ون ڈے میچز بالترتیب 19، 23 اور 25 اکتوبر کو پرتھ، ایڈیلیڈ اور سڈنی میں کھیلے جائیں گے۔

روہت شرما اور ویرات کوہلی کا بھارت کے لیے آخری میچ چیمپئنز ٹرافی 2025 کا فائنل تھا، جہاں انہوں نے ٹیم کو فتح دلانے میں اہم کردار ادا کیا تھا۔

ویرات کوہلی نے 302 ون ڈے میچز میں 57.88 کی شاندار اوسط اور 51 ریکارڈ سنچریوں کی بدولت 14 ہزار 181 رنز بنا رکھے ہیں، روہت شرما نے 273 میچز میں 48.76 کی اوسط سے 11 ہزار 168 رنز بنائے ہیں، ہارڈ ہٹر بیٹر ون ڈے فارمیٹ میں 3 ڈبل سنچریاں بنانے والے واحد کھلاڑی بھی ہیں۔

خیال رہے کہ دونوں کرکٹر پہلے ہی ٹی 20 اور ٹیسٹ کرکٹ کو خیرآباد کہہ چکے ہیں۔

پریس ٹرسٹ آف انڈیا (پی ٹی آئی) کی رپورٹ کے مطابق سابق کپتان سارو گنگولی نےدونوں کرکٹرز کی ریٹائرمنٹ کی خبروں پر تبصرہ کرتے ہوئےکہا ہےکہ جب تک روہت شرما اور ویرات کوہلی اچھی کارکردگی دکھا رہے ہیں، دونوں کو ون ڈے کرکٹ میں کھیلتے رہنا چاہیے۔

آسٹریلیا میں ہونے والی آئندہ ون ڈے سیریز کو اس مشہور جوڑی کی آخری سیریز قرار دینے کی قیاس آرائیوں پر ردِ عمل دیتے ہوئے انہوں نے کہا کہ مجھے اس بارے میں کچھ علم نہیں، اس پر کوئی تبصرہ نہیں کر سکتا

See less

معروف اداکارہ اور میزبان جویریہ سعود نے ایک تقریب میں اپنے قد سے جڑی ایک دلچسپ یاد شیئر کی، جس نے حاضرین کو خوب ہنسایا۔

تقریب میں ڈائس ان کے قد سے خاصا اونچا تھا، لیکن قریب ہی ایک اسٹول رکھا تھا۔ جویریہ نے اس پر کھڑے ہو کر مسکراتے ہوئے کہا کہ وہ برسوں سے اس صورتحال کی عادی ہیں۔ “میں 1993 سے اینٹوں اور اسٹول پر کھڑی ہو رہی ہوں، حتیٰ کہ شادی کے دن بھی چھ انچ کی ہیل پہنی تاکہ سعود کے برابر لگ سکوں۔

ان کے بقول، شادی کے اگلے ہی دن سعود کو ان کے اصل قد کا علم ہوا تو ہلکے پھلکے انداز میں شکایت کی، “تم تو اتنی چھوٹی ہو، میرے ساتھ تو دھوکہ ہو گیا۔” جویریہ نے مزید بتایا کہ محفل میں موجود ایک شخص نے فوراً جواب دیا، “جتنی چھوٹی، اتنی اچھی!”

اس قصے کی ویڈیو سوشل میڈیا پر خوب وائرل ہو گئی۔ کچھ صارفین نے جویریہ کے اعتماد کو سراہا، کچھ نے ڈائس کی بلندی کو مذاق کا نشانہ بنایا، اور چند نے ہنستے ہوئے کہا کہ “ہاں، دھوکہ تو ہوا ہے!”

See less

تحصیل صالح پٹ میں بیوی کو مگرمچھ سے بچانے والے حب علی نے جیو نیوز سے گفتگو میں بتایا کہ اس نے مگر مچھ کو مکے اور لاتیں مار مار کر اپنی بیوی کو بچایا۔

خیال رہےکہ گزشتہ روز سکھر میں نارا کینال آرڈی 115 میں کپڑے دھونے والی خاتون پر مگرمچھ نے حملہ کردیا تھا۔

پولیس کے مطابق کپڑے دھونے والی خاتون کو مگر مچھ اپنے جبڑے میں دبا کر پانی میں گھسیٹ کرلےگیا تھا۔

پولیس کا کہنا ہے کہ شوہر نے نارا کینال میں چھلانگ لگا کرمگرمچھ سے بیوی کو چھڑوالیا۔

پولیس کے مطابق مگرمچھ نے خاتون کی ٹانگ بری طرح چبا ڈالی جس پر انہیں زخمی حالت میں اسپتال منتقل کردیا گیا

See less

---

جاپان میں کم شرح پیدائش ایک سنگین مسئلہ بن چکا ہے، جس پر ماہرین نے خبردار کیا ہے کہ اس سے ملک کی معیشت اور سماجی ڈھانچے پر طویل المدتی منفی اثرات مرتب ہو سکتے ہیں۔

شرح پیدائش میں مسلسل کمی کے باعث جاپان میں عمر رسیدہ افراد کی تعداد تیزی سے بڑھ رہی ہے، جو قومی سلامتی اور معاشی ترقی دونوں کے لیے چیلنج ہے۔

 

جاپانی وزارت داخلہ کے مطابق، صرف 2024 میں آبادی میں 9 لاکھ 10 ہزار سے زائد افراد کی کمی ریکارڈ کی گئی، جو ملکی تاریخ کی سب سے بڑی گراوٹ ہے۔

اعداد و شمار کے مطابق، جاپان کی تقریباً 30 فیصد آبادی پہلے ہی 65 سال سے زائد عمر کی ہے، جس سے پالیسی ساز اور محققین شدید تشویش میں مبتلا ہیں۔

حکومت شرح پیدائش میں اضافے کے لیے مختلف منصوبوں پر غور کر رہی ہے، جن میں کام اور خاندانی زندگی میں توازن، بچوں کی دیکھ بھال، اور رہائش کی بہتر سہولیات شامل ہیں۔

ماہرین کا کہنا ہے کہ جنوبی کوریا جیسے اقدامات سے جاپان بھی اس بحران پر قابو پا سکتا ہے

See less

---

منجھے ہوئے اداکار نعمان اعجاز نے یومِ آزادی کی منابست سے پوسٹ میں اپنا دل کھول کر رکھ دیا اور نوجوانوں کے مستقبل پر سوالات اُٹھا دیئے۔

اداکار نعمان اعجاز نے لکھا کہ ماضی میں نوجوان 14 اگست کو پرچموں سے گھر سجاتے تھے، گانے گاتے تھے اور جوش و جذبے سے بھرپور ہوتے تھے۔

 

نعمان اعجاز نے مزید کہا کہ آج کی نسل مایوسی اور بے یقینی کا شکار ہوکر اور ملک چھوڑ کر جانے کی خواہش کے ساتھ ویزا دفاتر کے باہر لائنوں میں کھڑی ہے۔

اداکار نعمان اعجاز نے اس افسوسناک صورتحال کی وجہ ملک میں بدعنوانی، انصاف کی عدم دستیابی، اور میرٹ کے قتل کو قرار دیا۔

مداحوں نے نعمان اعجاز کی پوسٹ پر تبصرے کرتے ہوئے ان کی سچائی کو سراہا اور کہا کہ یہی تلخ حقیقت ہے جسے کوئی تسلیم نہیں کرتا، لیکن سب جانتے ہیں۔

See less