)بھارت کو وزارت خارجہ سےپاکستان کے خلاف میچ کھیلنے کی اجازت مل گئی،ایشیا کپ 2025 کا شیڈول آئندہ 48 گھنٹوں میں جاری کیے جانے کا امکان ہے۔

بھارتی میڈیا رپورٹس کےمطابق ایشیا کپ2025 8 ستمبر سے 28 ستمبر تک شیڈول ہے، ایشیا کپ میں گروپ اسٹیج کے بعد سپر فورز فارمیٹ رکھا گیا ہے،یو اے ای اورابوظہبی ایشیاکپ 2025 کی میزبانی کےلئےمضبوط امیدوار ہیں۔

انڈین میڈیا رپورٹس کےمطابق بھارت،پاکستان،بنگلادیش کے درمیان اختلافات دور ہوگئے،بی سی سی آئی ایشیا کپ کے شیڈول کا آخری مسودہ تیار کرنےمیں مصروف ہے، بھارت، پاکستان، سری لنکا، بنگلادیش، افغانستان، یو اے ای، عمان اور ہانگ کانگ ٹورنامنٹ میں شریک ہونگے

شیخوپورہ ( نیوز ڈیسک) شیخوپورہ میں چند روز قبل پسند کی شادی کرنے والے جوڑے نے زہریلی گولیاں کھاکر خودکشی کرلی۔

پولیس حکام کا کہنا ہے کہ ثنا نے نواحی گاؤں کے رہائشی عمیر اسلم سے چند روز قبل کورٹ میرج کی تھی، لڑکی کے گھر والوں نے اغوا کا مقدمہ درج کروایا۔

پنچایت کے حکم پر لڑکی کو آج واپس گھر آنا تھا کیونکہ رشتے دار لڑکی کی واپسی اور باعزت رخصتی چاہتے تھے۔

لڑکی کو شک تھا کہ رشتے دار بلا کر پنچایت کے حکم پر قتل کردیں گے جس پر جوڑے نے رشتے دار کے پاس واپس جانے کے بجائے خودکشی کرلی

لاہور(اوصاف نیوز)ڈلیوری بوائے کے ساتھ ہونیوالی ایک لاکھ 21 ہزار روپے کی ڈکیتی کا ڈراپ سین ہوگیا۔

پولیس کے مطابق ڈلیوری بوائے خود ہی واردات کا ماسٹر مائنڈ نکلا، جس کی گرفتاری سی سی ٹی وی فوٹیج کی مدد سے ممکن ہوئی۔ ملزمان نے نجی کوریئر کمپنی کی رقم ہتھیانے کے لیے ڈکیتی کا جھوٹا ڈراما رچایا۔

21 جولائی کو ڈلیوری بوائے نجی کوریئر کمپنی کا کیش لے جا رہا تھا، اس دوران ملزمان نے پلاننگ کے تحت ڈکیتی کا ڈراما کیا، تاہم سی سی ٹی وی فوٹیج میں ملزمان کو جھوٹی ڈکیتی و فرار ہوتے دیکھا جا سکتا ہے ۔ ملزمان آپس میں رشتے دار ہیں اور چند روز قبل ہی انہوں نے اس واردات کا پلان بنایا تھا۔

ایس پی اخلاق احمد تارڑ نے بتایا کہ ملزمان سے ایک لاکھ 21 ہزار نقدی،2 پستول اور موبائل فون برآمد ہوئے۔ ملزمان میں ڈلیوری بوائے زین، محسن، احسن شامل ہیں، جن کے خلاف مقدمہ درج کرلیا گیا ہے

کراچی ( نیوز ڈیسک) پاکستان میں الیکٹرک گاڑیوں (EVs) کے شعبے میں چین کی معروف الیکٹرک کار کمپنی BYD نے 2026 کے جولائی یا اگست تک پہلی مقامی طور پر اسمبل شدہ EV یا پلگ اِن ہائبرڈ گاڑی متعارف کرانے کا اعلان کر دیا۔

BYDپاکستان کے نائب صدر برائے سیلز اینڈ اسٹریٹجی دانش خالق نے تصدیق کرتے ہوئے کہا کہ کراچی کے قریب قائم کیا جانے والا اسمبلنگ پلانٹ اپریل 2025 میں زیر تعمیر ہے۔ یہ منصوبہ حب پاور کمپنی (HUBCO) کی ذیلی کمپنی میگا موٹر کمپنی کے اشتراک سے قائم کیا جا رہا ہے۔

ابتدائی طور پر یہ پلانٹ ڈبل شفٹ میں کام کرے گا، جس کی سالانہ پیداواری صلاحیت 25,000 یونٹس مقرر کی گئی ہے۔

اگرچہ ابتدا میں کئی پرزے بیرون ملک سے درآمد کیے جائیں گے، تاہم غیر برقی اجزاء کی مقامی تیاری کو فروغ دیا جائے گا۔ اس منصوبے کا بنیادی ہدف پاکستان کی مقامی مارکیٹ ہے، لیکن کمپنی مستقبل میں رائٹ ہینڈ ڈرائیو ممالک کو برآمدات پر بھی غور کر رہی ہے۔

ذہن نشین رہے BYD نے مارچ 2025 میں پاکستان میں درآمد شدہ EVs کی فروخت شروع کی تھی۔ اگرچہ کمپنی نے فروخت کے حتمی اعداد و شمار ظاہر نہیں کیے، تاہم ابتدائی سیلز نے ہدف سے 30 فیصد زائد کامیابی حاصل کی۔

2024 میں پاکستان میں EV اور پلگ اِن ہائبرڈ گاڑیوں کی فروخت کا حجم تقریباً 1,000 یونٹس رہا، جس کے 2025 میں 3 سے 4 گنا بڑھنے کی توقع ہے۔ BYD کا ہدف 30 سے 35 فیصد مارکیٹ شیئر حاصل کرنا ہے۔

HUBCO کے مطابقBYD نے 2025 کی پہلی سہ ماہی میں 444 ملین روپے (تقریباً 1.56 ملین ڈالر) کا منافع بھی حاصل کیا۔

مقامی طور پر اسمبل شدہ EV کی لانچ پاکستان کیلئے گیم چینجر ثابت ہو سکتی ہے۔اس پیش رفت سے نہ صرف گاڑیاں سستی ہوں گی بلکہ مقامی پرزہ سازی، روزگار اور درآمدی انحصار میں کمی جیسے عوامل بھی اس پیش رفت کو خاص بناتے ہیں۔

حکومتی مراعات جیسے کہ EV چارجنگ پر 45 فیصد بجلی رعایت اور BYD کی چارجنگ نیٹ ورک میں سرمایہ کاری پاکستان میں نیو انرجی وہیکلز (NEVs) کو فروغ دینے کی بنیاد فراہم کر رہی ہیں۔

ماہرین کے مطابق پلگ اِن ہائبرڈ گاڑیاں جنہیں مکمل چارجنگ نیٹ ورک کی ضرورت نہیں ہوتی، پاکستان کے موجودہ انفراسٹرکچر کیلئے موزوں آپشن ہیں۔

BYD کی مجوزہ Shark 6 پک اپ ٹرک اور دیگر برانڈز جیسے MG اور Haval کی ہائبرڈ SUV گاڑیاں، پاکستانی آٹو انڈسٹری کو ایک نئے دور میں داخل کر سکتی ہیں