سعودی عرب کے شہر طائف کے ایک پارک میں خوفناک حادثہ پیش آیا جس میں 23 افراد زخمی ہوگئے۔

خلیج ٹائمز کی رپورٹ کے مطابق طائف کے گرین ماؤنٹین پارک میں ایک جھولے پر کچھ افراد سوار تھے کہ جھولا دو ٹکڑے ہوگیا جس کی ویڈیو بھی منظرِ عام پر آئی ہے۔

رپورٹ کے مطابق واقعے میں 23 افراد زخمی ہوئے ہیں جنہیں طبی امدادکے لیے اسپتال منتقل کردیا گیا۔

ویڈیو میں دیکھا جاسکتا ہے کہ جھولے پر متعدد خواتین و مرد حضرات سوار ہیں جب کہ جھولا ہوا میں جاتے ہی دو ٹکڑے ہوگیا

امریکی شخص نے 7 سال کے دوران  42 بار  پروپوزل مسترد ہونے کے باوجود ہار نہ مانی اور بالاخر  43 ویں مرتبہ پروپوز کرکے  محبوبہ کو شادی کیلئے منا لیا۔

غیر ملکی میڈیا کے مطابق امریکا سے تعلق رکھنے والے 36 سالہ لیوک ونٹرپ نے اپنی 38 سالہ گرل فرینڈ سارہ سے ’ہاں’ سننے کیلئے 7 سالوں تک انتظار کیا،  اس عرصے کے دوران لیوک نے  سارہ کو 42 مرتبہ شادی کی پیشکش کی لیکن انھیں ہر بار ناکامی کا سامنا کرنا پڑا۔

نیویارک پوسٹ کے مطابق  لیوک 2018 سے سارہ سے شادی کے خواہشمند تھے  لیکن سارہ  نے 7 سال تک انکار کرنے کے بعد بالاخر 2025 میں لیوک کی شادی کی پیشکش قبول کی  اور یوں  جوڑے نے رواں برس 17 مئی کو شادی کرتے ہوئے محبت کی ایک  نئی داستان رقم کر دی.

رپورٹ میں بتایا گیا ہے  کہ 2018 میں سارہ نے 3 بیٹیوں کے ہوتے ہوئے اپنے شوہر سے طلاق لے لی تھی جس کے بعد ان کی لیوک سے دوستی ہوئی لیکن اس دوستی کے 6 ماہ بعد ہی لیوک نے انھیں پہلی  مرتبہ شادی کی پیشکش کردی جسے سارہ نے بچیوں کا حوالہ دیتے ہوئے رد کر دیا۔

سارہ کے مطابق ’ مجھے لیوک سے  اس کی توقع نہیں تھی، میں اس وقت بھی لیوک سے پیار کرتی تھی لیکن شادی کے لیے ‘ہاں’ نہیں کہنا چاہتی تھیں‘، سارہ کے مطابق  میرے انکار پر لیوک نے کہا آپ کا انکار قبول ہے لیکن میں یہ پیشکش کرتا رہوں گا۔

رپورٹ کے مطابق7  سالوں کے دوران لیوک نے سارہ  کو  دنیا کے مختلف خوبصورت مقامات پر یہی پیشکش کی لیکن  ہر بار سارہ کی طرف سے انکار ہی ملا، 42 ویں پروپوزل پر سارہ نے لیوک کو امید دلائی کہ وہ  اگلی بار ان کی یہ پیشکش  قبول کر لیں گی۔

اس پیشکش کے بعد لیوک نے ایک سال مزید انتظار کیا  اور   پھر ساؤتھ ایسٹ لندن کے گرین وچ میں ’Royal Observatory ‘ کے مقام  پر یہ کہتے ہوئے پروپوز کیاکہ ، ‘یہ جگہ دنیا کا مرکز ہے لیکن تم میری دنیا کا مرکز ہو اور میں چاہتا ہوں کہ تم مجھ سے شادی کر لو’۔

سارہ کا کہنا ہے کہ’  بالاخر لیوک نے میرا دل جیت لیا، اور  لیوک کا نام اب   گنیز ورلڈ ریکارڈ  میں ہونا چاہیے،  خوش قسمت ہوں کہ لیوک مجھ سے شادی کیلئے   اتنے عرصے تک ڈٹے رہے

معروف پروفیشنل امریکی ریسلر ہلک ہوگن کی موت کی وجہ سامنے آگئی۔

ہوگن کا اصل نام ٹیری جین بولیا تھا جو  71 سال کی عمر میں 24 جولائی کو چل بسے تھے۔ْ

پنلاس کاؤنٹی کے فارنزک سائنس سینٹر کی دستاویزات کے مطابق ہاگن کی موت کی تصدیق شدہ وجہ شدید دل کا دورہ (Acute Myocardial Infarction) تھی جسے عام طور پر ہارٹ اٹیک کہا جاتا ہے.

طبی رپورٹس کے مطابق ہوگن کے دل کے پٹھوں کو خون کی روانی میں اچانک رکاوٹ پیدا ہوئی جس کے باعث ٹشو کو نقصان پہنچا، انہیں دل کی ایک بیماری ایٹریئل فبریلیشن لاحق تھی جس میں دل کی دھڑکن بے ترتیب اور تیز ہو جاتی ہے۔

دستاویزات میں انکشاف کیا گیا کہ ہلک ہوگن کینسر کی ایک قسم کرونک لمفوسائٹک لیوکیمیا کا بھی شکار تھے جو سفید خون کے خلیات (لیمفوسائٹس) کو متاثر کرتی ہے۔

یہ بات ان کے مداحوں کے لیے حیران کن تھی کیونکہ ان کی بیماری سے متعلق معلومات پہلے کبھی منظر عام پر نہیں آئیں

واشنگٹن: روس سے تیل خریدنے کے معاملے پر امریکی صدر ٹرمپ کی انتظامیہ مودی سرکار سے سخت مایوس ہے۔

امریکی وزیر خزانہ نے ایک انٹرویو میں کہا کہ بھارت روس سے تیل خریدتا ہے اور پھر اسے ریفائنڈ تیل کے طور پر بیچتا ہے، بھارت نے خود کو عالمی کردار ادا کرنے والے ملک کے طور پر پیش نہیں کیا۔.

ایک سوال پر بیسینٹ کا کہنا تھا کہ امریکی صدر ڈونلڈ ٹرمپ اور ہماری پوری ٹیم بھارت سے مایوس ہے،  انہیں نہیں پتا بھارت کے ساتھ تجارتی معاہدے میں کیا ہوگا، اس کا انحصار بھارتی رویے پر ہے۔

واضح رہے کہ اس سے قبل امریکی صدر ڈونلڈ ٹرمپ کی دھمکی کے بعد بھارت کی سرکاری آئل ریفائنریز نے روسی تیل کی خریداری روک دی تھی۔

خبر رساں ایجنسی کے مطابق بھارت تیل درآمد کرنے والا دنیا کا تیسرا بڑا ملک ہے جب کہ روس کے سمندری خام تیل کا سب سے بڑا خریدار ہے۔

امریکی صدر ٹرمپ نے 14 جولائی کو روس سے تیل خریدنے والے ممالک پر 100 فیصد ٹیرف لگانے کی دھمکی دی تھی

پاکستانی میوزک انڈسٹری کی معروف گلوکارہ عینی خالد نے انکشاف کیا ہے کہ 2024 میں ان کی 7 سالہ بیٹی کو 24 گھنٹوں کے دوران 2 بار دل کا دورہ پڑا۔

گلوکارہ نے چند دن قبل  انسٹاگرام پر ایک پوسٹ میں اپنی بیٹی عیشا کی جرات اور ہمت کے سفر کی داستان سنائی۔

اُنہوں نے اپنی پوسٹ میں بتایا کہ میں یقین نہیں کر سکتی کہ آخر کار مجھ میں یہ شیئر کرنے کی ہمت کہاں سے آئی، 23 جنوری 2024 وہ تاریخ ہے جو کہ ہمیشہ کے لیے میری روح میں نقش ہو گئی ہے، اس دن میری 7 سالہ بیٹی عیشا کو آکسیجن کی کمی ہونے کی وجہ سے ایک نہیں بلکہ 2 دل کے دورے پڑے۔.