یہ واقعی حیرت کی بات لگتی ہے کہ کسی شدید تباہ کن طیارہ حادثے کے بعد، جب پورا جہاز تباہ ہو جاتا ہے، تو بلیک باکس اکثر محفوظ مل جاتا ہے۔

اس کی اصل وجہ اس کی سخت انجینیئرنگ اور خصوصی ڈیزائن ہوتا ہے۔ آئیے دیکھتے ہیں کہ بلیک باکس اتنا مضبوط کیسے بنایا جاتا ہے:

بلیک باکس دراصل دو اہم ریکارڈنگ ڈیوائسز پر مشتمل ہوتا ہے کاکپٹ وائس ریکارڈر جو پائلٹ اور کنٹرولر کی آوازیں محفوظ کرتا ہے اور فلائٹ ڈیٹا ریکارڈر جو طیارے کی تکنیکی معلومات کو ریکارڈ کرتا ہے۔ یہ دونوں عام طور پر ایک ہی محفوظ باکس میں ہوتے ہیں۔

بلیک باکس ٹائٹینیم (Titanium) یا اسٹینلیس اسٹیل سے بنایا جاتا ہے جو انتہائی مضبوط اور گرمی برداشت کرنے والی دھات ہے۔

یہ 1100 ڈگری درجہ حرارت کو 60 منٹ تک برداشت کر سکتا ہے۔ آگ میں جلنے والے پلاسٹک، دھاتیں یا کیروسین سے یہ متاثر نہیں ہوتا۔

یہ 3400 گرام (g-force) تک کے جھٹکے برداشت کر سکتا ہے جو کسی حادثے کے دوران لگنے والے شدید دھچکے سے بھی کہیں زیادہ ہے۔ اگر طیارہ سمندر میں گرتا ہے تو بلیک باکس 6,000 میٹر (20,000 فٹ) گہرائی تک پانی میں دباؤ برداشت کر سکتا ہے۔

اس میں زیرآب مقام کی نشاندہی کرنے والا سسٹم بھی ہوتا ہے جو پانی کے اندر 37.5 kHz پر آواز خارج کرتا ہے تاکہ اسے تلاش کیا جا سکے۔ یہ 30 دن تک سگنل دیتا ہے۔

چین کے صوبے ہونان سے تعلق رکھنے والی میئی نامی 16 سالہ لڑکی نے دو ہفتوں تک صرف سبزیاں کھائیں اور مختلف laxatives استعمال کیے تاکہ وزن کم کیا جاسکے تاہم وہ اس کیوجہ سے موت کے منہ میں جانے سے بال بال بچ گئی۔

رپورٹس کے مطابق لڑکی کے اس سخت ڈائیٹ روٹین کے نتیجے میں اس کی خون میں پوٹاشیم کی سطح انتہائی کم ہوگئی یعنی hypokalaemia۔ یہ ایک ایسی حالت ہے جو سانس کی ناکامی اور اچانک دل کے دورے کا باعث بن سکتی ہے۔

حالیہ رپورٹس کے مطابق لڑکی کو 12 گھنٹے طویل ایمرجنسی طبی عمل سے گزارا گیا اور وہ زندگی کی بازی جیت گئی۔ ڈاکٹروں نے اس کی وجہ دو ہفتوں تک صرف سبزیاں اور laxatives استعمال کرنے کو قرار دیا۔

علاج کے دوران ڈاکٹرز نے اس کی پوٹاشیم کی سطح انتہائی خطرناک حد تک نیچے پائی جس کی وجہ سے میئی کو ہائپوکیلیمیا لاحق ہوا۔ دیکھ بھال کے بعد میئی نے مکمل صحت یابی حاصل کی اور اسپتال سے ڈسچارج ہو گئی۔

ڈسچارج کے بعد لڑکی نے وعدہ کیا کہ آئندہ کبھی ایسی خطرناک غذائی پابندی نہیں اپنائے گی۔

یہ واقعہ اس بات کا واضح ثبوت ہے کہ انتہائی پابند اور غیر متوازن غذا، خاص طور پر نوجوانوں میں، سنگین نتائج کا باعث بن سکتی ہے۔ ڈاکٹرز نے متوازن غذا، مناسب ہائیڈریشن، اور پوٹاشیم سے بھرپور غذائیں جیسے کیلے، آلو، مرغی وغیرہ کے استعمال کی تاکید کی ہے

قدیم مصری مقبرے سے ملنے والی ایک شے پر موجود عرصے سے پوشیدہ ہاتھ کا پُراسرار نشان بالآخر نظروں میں آگیا۔یہ نایاب اور دلچسپ دریافت اس وقت ہوئی جب اس شے کو عجائب خانے کی نمائش میں پیش کرنے کے لیے تیار کیا جا رہا تھا۔

کیمبرج کے فٹزولیم میوزیم کے ایک ایجپٹولوجسٹ (قدیم مصر سے متعلق معلومات کے ماہر) کا کہنا تھا کہ ممکنہ طور پر یہ ہاتھ کا نشان اس کا ہے جس نے یہ چیز بنائی ہے اور اس نے مٹی سے بنے اس ماڈل کو نصب کرنے سے قبل ہاتھ لگایا ہوگا۔

ایک اندازے کے مطابق ہاتھ کا نشان چار ہزار سال پرانا ہے۔

عجائب خانے کی ایک اور سینئر ایجپٹولوجسٹ ہیلن اسٹرڈوک کا کہنا تھا کہ ماہرین نے گیلے رنگ یا ڈیکوریشن میں موجود تابوت میں انگلیوں کے نشانات دیکھے ہیں لیکن مقبرے سے ملنے والی اس شے پر مکمل ہاتھ کا نشان پایا جانا نایاب اور دلچسپ ہے۔

انہوں نے کہا کہ یہ ہاتھ کا نشان اس ماڈل کو بنانے والے کا ہے جس نے مٹی سوکھنے سے قبل اس کو چھوا تھا۔

امریکا کی ایک خاتون نے بالوں میں 711 گالف ٹی (وہ کیل جس پر گالف کی گیند رکھی جاتی ہے) پھنسا کر گینیز ورلڈ ریکارڈ قائم کردیا۔

کیلیفورنیا سے تعلق رکھنے والی 45 سالہ انیا بیناش نے اپنے دوستوں کے ساتھ مل کر 47 منٹ میں بالوں میں سب سے زیادہ ٹیز لگانے کا ریکارڈ قائم کیا۔

گینیز ورلڈ ریکارڈز سے گفتگو کرتے ہوئے ان کا کہنا تھا کہ وہ گینیز ورلڈ ریکارڈز کی کتاب میں آنے کا ہمیشہ سے خواب دیکھتی تھیں۔ وہ گالف سے متعلقہ کچھ کرنا چاہتی تھیں۔

انہوں نے کہا کہ یہ ریکارڈ انہوں نے جوئل اسٹراسر (ایک سیریل ریکارڈ ساز) سے متاثر ہوکر بنایا ہے، جنہوں نے اپنی ڈاڑھی میں مختلف اشیاء پھنسا کر متعدد ریکارڈز بنائے ہیں۔

سوشل میڈیا پر ایک اناؤنسمنٹ نوٹ وائرل ہورہا ہے جوکہ عامر خان پروڈکشنز کی جانب سے 29 جولائی کو ایک اہم اعلان کیلئے پریس کانفرنس منعقد کرنے سے متعلق ہے یہ نوٹ سب کی توجہ کا مرکز بن گیا ہے۔

مداحوں اور سوشل میڈیا صارفین نے عامر خان کی تیسری شادی کی چہ مگوئیاں شروع کردی ہیں کیونکہ اس سے قبل اس ہی طرح کی ایک پریس کانفرنس رکھ کر انہوں نے اپنے گرل فرینڈ گوری سے اپنے قریبی تعلقات اور گزشتہ ایک برس سے ساتھ رہنے کے بارے میں اعلان کیا تھا۔

مداحوں کا کہنا ہے کہ اس مرتبہ عامر اپنی شادی کا اعلان کرنے والے ہیں اور وہ اس اعلان کیلئے بےحد پُرجوش ہیں۔ ایک حالیہ انٹرویو میں عامر کا کہنا تھا کہ ‘گوری اور میں ایک سنجیدہ رشتے میں ہیں، دل سے میں اس سے پہلے ہی شادی کر چکا ہوں مگر اب رسمی طور پر شادی کا فیصلہ کرنا باقی ہے‘۔

یاد رہے کہ عامر خان اس سے قبل 2 شادیاں کر چکے ہیں جو ناکام رہیں۔ انکی پہلی بیوی رینا دتہ جن سے ان کے دو بچے اور دوسری بیوی معروف فلمساز کرن راؤ تھیں جن سے ان کا ایک بیٹا ہے۔